«Python бағдарламалау тілін оқыту әдістемесі» тақырыбында информатика пәні мұғалімдеріне облыстық семинар-практикум

Алматы облысы білім басқармасының ұйымдастыруымен 2024 жылдың 05-наурызында Еңбекшіқазақ ауданы, «Рахат ауылдық округі №1 орта мектебі» КММ-нің базасында  «Python бағдарламалау тілін оқыту әдістемесі» тақырыбында информатика пәні мұғалімдеріне облыстық семинар-практикум өтті.
Мақсаты: Python бағдарламалау тілін оқытудың заманауи әдістемесін қолданудың тиімділігін сабақ барысында көрсету және тәжірибе алмасу.
Семинарға облыстық әдістемелік орталығының информатика пәнінің әдіскері Унербеков Елдар Кенжебекұлы, аудандық әдістемелік кабинеттің меңгерушісі Тортаева Айжан Тоғанбайқызы,    басқа аудан  мектептерінен информатика пәні мұғалімдері қатысты. 
Семинарда ашық сабақтар, шебер сыныптар өтіп, мұғалімдер облыс көлемінде іс-тәжірибелерімен бөлісіп сертификатпен марапатталды. 
Семинарға мектебіміздің жас маманы информатика пәні мұғалімі Жаңабергенов А.Н. “Практикум. Сайтты жариялау. Жобаны қорғау” атты тақырыпта ашық сабақ өткізіп, өз іс-тәжірибесімен бөліскені үшін сертификатпен марапатталды.