Жас мамандармен ғылыми көзқарас қалыптастыру коучингі

Жас мамандар Жас мамандармен ғылыми көзқарас қалыптастыру коучингі

11.11.2025 күні әдістемелік жұмыстардың жоспарына сай мектебімізде «Ғылыми көзқарас қалыптастыру – жас мұғалімнің кәсіби дамуының негізі» тақырыбында коучинг өтті.

Іс-шараға мектебіміздің 7 жас маманы қатысып, NXplorers құралдары арқылы зерттеу – құру – өзгерту кезеңдерінде белсенді жұмыс жасады.

 Коучинг барысында жас педагогтер ғылыми көзқарастың мәнін түсініп, зерттеу мәдениетін дамыту жолдарын талқылады.

Fishbone, Gallery Walk, Think–Pair–Share сияқты белсенді әдістер арқылы өз ғылыми идеяларын ұсынды.

 Ғылыми көзқарас – бұл шындықты дәлел, логика және тәжірибе арқылы түсінуге бағытталған ойлау мәдениеті.

Мұғалім үшін мұндай көзқарастың маңызы зор, себебі ол:

 • оқытудың тиімді тәсілдерін дәлелмен таңдайды;

 • сабақтағы проблемаларды зерттеу арқылы шешеді (Lesson Study, Action Research);

 • оқушының дамуын ғылыми тұрғыдан бақылайды;

 • өз тәжірибесіне сыни қарап, үздіксіз жетіледі.

 Ғылыми көзқарасы қалыптасқан мұғалімнен — ғылымға бейім шәкірт шығады. Өйткені мұндай маманда сыни көзқарас, зерттеу мәдениеті, кәсіби рефлексия орныққан.

 Қатысушылар сессия соңында ортақ оймен түйіндеді:

«Ғылыми ойлау – кәсіби өсу мен тұлғалық дамудың бастауы».