Ашық сабақ. "Хобби и время." Орыс тілі мен әдебиеті. А.Дукенбаева

Орыс тілі пәнінің мұғалімі А.Дукенбаева 7-сынып оқушыларымен «Хобби және бос уақыт» тақырыбында сабақ өткізді.

Сабақтың мақсаты – оқушыларға мәтіннің басына сүйене отырып мазмұнын болжау, сұрақтарға дәлелді жауап беру және ақпаратты өмірмен байланыстыра білу дағдыларын қалыптастыру болды.

Сабақ басында ұйымдастыру кезеңі өткізіліп, «Адал азамат» жобасы аясында тәртіп пен жауапкершілік құндылықтары талқыланды. Оқушылар «Там, где есть требования, есть и дисциплина» деген нақыл сөздің мәнін түсіндіріп, өмірден мысалдар келтірді.

Сабақтың негізгі бөлімінде оқушылар сан есімдер туралы білім алды. Топтық жұмыста өз хоббилері туралы айтып, бос уақыттарын қалай өткізетінін сан есімдерді қолдана отырып сипаттады. Жұптық жұмыста даталар арқылы сан есімдердің түрлерін анықтап, тапсырмалар орындады.

Сабақ барысында оқушылардың белсенділігі жоғары болып, өз ойларын еркін жеткізе білді.

Сабақ соңында оқушылар рефлексия жасап, өз жетістіктерін бағалады. Бұл сабақ оқушылардың тілдік дағдыларын дамытуға және логикалық ойлауын қалыптастыруға ықпал етті.