Әдепті бала  - арлы бала

       Мен Кайбракманов Қайнар өзімді әдепті баламын деп ойлаймын. Өйткені мен сабақтарымды дайындап болған соң әрдайым ата - анама көмектесемін. Үйде үлкендердің тілін алып, айтқан ақылдарын тыңдаймын. Ал көшеде ата -анамның айтқан ақылымен үлкендерге көмектесіп, кішілерге қамқорлық жасаймын.  Елімнің табиғатын сүйемін. Сабағымды беске  оқып, әдепсіз қылықтар жасамаймын.

        Дүниеде барлық бала бірдей емес. Біреуі үйдің еркесі, екіншісі әдепті, үшіншісі үлкендерді сыйламайтын бұзық болады. Мұндай балаларды адамдар жақсы көрмейді. Сондықтан әрқашан әдепті де әдемі, арлы бала болып жүргенге не жетсін. " Әдепті бала - әдемі " - деп бекер айтпаса керек.

           2 " а " сынып оқушысы Абдихамит Ельжан Дарханұлы

Қыс

    Қыс жылдың ең суық мезгілі. Қыста күн суытып, айналаны аппақ қар басады. Ағаштар да аппақ қар жамылып, бастарын көтере алмай тұрады. Өзен - көлдің беттерін мұз жауып тастайды. Бірақ біз қыстың суығынан қорықпаймыз. Жылы киініп алып, шанамен, шаңғымен сырғанап, коньки теуіп, аққала жасап қар лақтырыспақ ойнап, мәз - мейрам боламыз. Қыстың өз қызықтары бар осындай. Ал терезелерге аяз келіп, ақ қыраумен өрнегін салып кетеді. Аязды күні жан - жануарларға да қиын. Олар бүрсеңдеп өз азығын тауып жей алмай қиналып, жортып кетеді. Сонда оларға адамдар көмектеседі. Біз табиғаттың қорғаушыларымыз ғой. Сондықтан жан - жануарларға қамқорлық жасауға міндеттіміз деп ойлаймын.

2 " а " сынып оқушысы Қанатұлы Асатали

Аю

     Аюлар қоңыр, қара, ақ болып бөлінеді. Ақ аю Мұзды мұхит жақты мекендейді. Олар көбіне балықпен қоректенеді. Ал қоңыр аюлар мен қара аюлар болса, таулы, орманды жерлерді мекендейді. Олар балмен, өсімдіктермен, етпен, балықпен қоректенеді. Аю жыртқыш аң. Оның  баласын қонжық деп атайды. Аюлар балаларын сүтпен, кейін өзі не жесе сонымен қоректендіреді. Аюлар қыс мезгілінде ұйықтап, ерте көктемде ұйқыдан тұрып, азық іздейді. Қыста өз майын қорек етеді екен.

                  2 " а " сынып оқушысы Садық Жандос Сайфуллинұлы

Қыста

      Қыс келді. Күн суытты. Солай болса да қыс мезгілі маған ұнайды. Өйткені қар жапалақтап жауып тұрғанда дала ертегіге ұқсайды. Мен ертегі әлемінде жүргендей боламын. Шанамды сүйреп далаға шықтым. Шанамен сырғанап ойнағым келді. Жанымда Ақтөс те жалпылдап жүр. Оның да ойнағысы келген сияқты. Мен шанама отырдым да төбешіктен төмен қарай зырлай жөнелдім. Ақтөс те қалысар емес. Менімен бірге зулап келеді. Шанамен сырғанау қандай қызық! Екеуіміз біраз сырғанап, үйге қайттық. Қыстың осындай қызықты сәттері көп - ақ.

Жетекшісі: Тәуекелова Салима Мадірәйімқызы

Т. Рысқұлов атындағы № 9 жалпы білім беретін орта мектептің 2 "а"сынып оқушысы Жетпісбай Нұрым Нұрболұлы

          Жұмбақтар    

    1. Өзі жыртқыш жабайы,

Қойға жиі шабады. ( Қасқыр )

2. Кең оның құшағы,

Аспанда ұшады. ( Ұшақ )

3. Арқасында тасы бар,

Кіп - кішкентай басы бар.

Тарбаң - тарбаң етеді,

Өзі әрең жетеді.( Тасбақа )

4. Бал жинайды талабы,

Өзі шағып алады. ( Ара )

5. Айқайлап ақырады,

Аңдарды шақырады

Оны бәрі аң патшасы деп атайды. ( Арыстан )

6. Бойы ұзын крандай,

Құласа қалады тұра алмай. ( Керік )

7. Денесі шұбар ала,

Таниды барлық бала.

Есектен аумайтын,

Бұл аң - ( Зебра )

8. Қыт - қыт дейді,

Тарыны жейді. ( Тауық)

9. Өзі айдай иілген,

Сап - сары боп киінген. ( Банан )

10. Өзі доп - домалақ,

Тепсең кетер домалап.

Балалар ойнар қуалап.( Доп )

11. Қып - қызыл домалақ,

Оның аты ....( Қызанақ )

12. Тік ұшаққа ұқсайды,

Бірақ биік ұшпайды. ( Инелік )

13. Алуан түрлі болады,

Гүлден гүлге қонады.( Көбелек )

14. Лас жерге қонады,

Түрі жаман болады. ( Шыбын )